Mua i jetz Latein lerna, um Stodräte zua vastehn?

Mua i jetz Latein lerna, um Stodräte zua vastehn?

(ab) Moang is dea Stodrod zwoa Joare im Amt. Friaha hod ma jo no vastandn, wos do gschbrocha wurd, do boarischgredet wordn is. De letzdn Joare ging 's dann oiwei mehr in de houchdeitsche Sprach üba. Beim heitign Stodrod is 's aba anders. De redn teilweise Latein. Des hod da Schuhmann Manne a scho oiwei gmacht, weil ea sei Bedeitung ois ehemaliga Gymnasialleahr darstäin miassn hod. 'etz san aba no zwoa Stodräte dazukema, de im Plenum oiwei wieda lateinische Redensardn zum Besdn gbn. Des is da Schäuble Jakob, da oiwei narrisch lang, weid ausholend und bedeitungsvoi redet und ea Schickl Hias, a Gymnasialleahr mid Doktortitl. Da redet ned ganz so lang wia da Schäuble, dafia aba öfta und gnauso wichtig wia da Schäuble. De beidn kennt ihr ned? Des is wurscht.

Bei oana Stodratssitzung hod da Schickl gmoat, ea mua am Chef da Lokalredaktion da örtlichn Zeidung den lateinischn Satz übasetzdn. Des war scho a weng peinlich, do da Lokalchef doch aa auf am Gymnasium war, am ältesdn in Ingolstod, bekannt fia sein Lateinunterricht.

Friaha gob 's aa gbuidete Leid im Stodrod. I denke do an Gudrun Rihl, a feine Frau. De Stodrätin war sogar Chefin vo am Gymnasium. De hod ned nötig kabd, mid lateinischn Sprüchn um si zua werfa.

I hob 'etz übalegt, ob i mi aa im Gymnasium omelde, damit i wos vastehe, wenn de im Stodrod wieda so gschwoin daherredn. Dann hob i übalegt, do müssdn dann jo vui Menschn hi, de an Livestream vom Stodrod oseng. Gscheita waarad 's, de Grouskopfterdn dadn oafach wieda boarisch bei den Sitzunga redn und ned so obghom formuliarn, sondern den Leidn aufs Maul schaun. Wia hod doch a ehemaliga Stodrod, koa Latoana, auf Facebook gschriebn? Wenn i de so Latein redn hear im Stodrod, dann denk i oiwei an Sandkastenweidsoacha.

's grüßt eich, Oibertus, de Rodhausmaus

Lesen Sie hierzu auch:

Ich bin Albertus, die Rathausmaus

Datenschutz

Diese Webseite verwendet Cookies. Einige Funktionen (z.B. eingebundene Videos) können ohne den Einsatz dieser Cookies nicht angeboten werden.

Weitere Infos zum Datenschutz